ગુજરાતી એ ભારતની સૌથી વધુ બોલાતી ભાષાઓમાંની એક છે અને ગુજરાત રાજ્યની પ્રાદેશિક તેમજ સત્તાવાર ભાષા છે. ગુજરાતી ભાષામાં પ્રાવિણ્ય મેળવવાથી માત્ર તેની સમૃદ્ધ સાહિત્યિક અને સાંસ્કૃતિક પરંપરાને સમજવાની તક જ પ્રાપ્ત થતી નથી, પરંતુ ગુજરાતમાં રહેવા તેમજ લોકો સાથેના સંવાદને વધુ અર્થપૂર્ણ અને સ્વાભાવિક બનાવવામાં પણ મદદ મળે છે.
બીજી અથવા વિદેશી ભાષા શીખવાની પ્રક્રિયા માતૃભાષા શીખવાની પ્રક્રિયા કરતાં અલગ અને વિશિષ્ટ હોય છે. આ કોર્સ ખાસ કરીને ગુજરાતી ભાષા ન જાણનારા અને તેને શીખવા માગતાં હોય તેમને માટે તૈયાર કરવામાં આવ્યો છે. તેનો મુખ્ય ઉદ્દેશ આ ભાષા શીખનારાઓને ખાસ કરીને બોલચાલના સંવાદ કૌશલ્ય પર વિશેષ ભાર મૂકીને મૂળભૂત ગુજરાતી ભાષાનું મજબૂત જ્ઞાન પ્રદાન કરવાનો છે
આ કોર્સમાં ગુજરાતી લિપિ, ઉચ્ચારણ (ધ્વનિશાસ્ત્ર), વ્યાકરણ તથા ગુજરાતી સંસ્કૃતિના વિવિધ પાસાંઓનો પરિચય આપવામાં આવે છે. સાથે જ વાંચન, લેખન, શ્રવણ અને કથન — ભાષાના ચારેય મૂળભૂત કૌશલ્યોના વિકાસ પર વિશેષ ધ્યાન કેન્દ્રિત કરવામાં આવ્યું છે.
વિવિધ રસપ્રદ પ્રવૃત્તિઓ અને પ્રાયોગિક અભ્યાસક્રમો દ્વારા વિદ્યાર્થીઓ માત્ર ભાષાની રચનાઓનો અભ્યાસ જ નહીં કરે, પરંતુ દૈનિક જીવનની વાસ્તવિક પરિસ્થિતિઓમાં ભાષાનો અસરકારક રીતે ઉપયોગ કેવી રીતે કરવો તે પણ શીખશે।
મૂળભૂત સંવાદાત્મક પ્રાવિણ્ય: દૈનિક જીવનની પરિસ્થિતિઓમાં આત્મવિશ્વાસપૂર્વક સંવાદ સાધી શકાય તે માટે આવશ્યક ભાષાકૌશલ્યનો વિકાસ.
મૂળભૂત વ્યાકરણ અને શબ્દભંડોળ: અસરકારક અભિવ્યક્તિ માટે જરૂરી વ્યાકરણીય રચનાઓ તથા શબ્દભંડોળનું જ્ઞાન પ્રાપ્ત કરાવવું.
શ્રવણ અને સમજ શક્તિનો વિકાસ: પ્રાયોગિક અભ્યાસ દ્વારા બોલાતી ગુજરાતી ભાષાને સમજવાની ક્ષમતા વિકાસાવવી.
વાંચન અને અર્થઘટન કૌશલ્ય: સરળ પાઠોનું વાંચન તથા તેના થકી તેની સમજ શક્તિમાં વૃદ્ધિ લાવવા માટેનું માર્ગદર્શન.
વક્તૃત્વ અને ઉચ્ચારણ : પરસ્પર ક્રિયાત્મક સત્રો દ્વારા યોગ્ય ઉચ્ચારણ અને પ્રવાહીપણે બોલવાની કળાનો વિકાસ કરવો.
ગુજરાતીમાં લેખન કૌશલ્ય: સરળ વાક્યો, સંદેશાઓ અને પરિચ્છેદો સ્પષ્ટ રીતે લખવાની તાલીમ આપવી.
સાંસ્કૃતિક જાગૃતિ અને સંવેદનશીલતા: ગુજરાતી પરંપરા, રિવાજો અને સામાજિક મૂલ્યો અંગેની સમજ વિકસાવવી.
વાસ્તવિક જીવનમાં ભાષાનો ઉપયોગ: ખરીદી, પરિચય, પ્રવાસ જેવી દૈનિક પરિસ્થિતિઓમાં ભાષાકૌશલ્યનો વ્યવહારુ ઉપયોગ કરવાની તાલીમ.
વ્યાપક અભ્યાસક્રમ: વાંચન, લેખન, શ્રવણ અને કથન એમ ભાષાના ચારેય આવશ્યક કૌશલ્યો પર સંતુલિત ભાર મૂકતો અભ્યાસક્રમ, જે સર્વાંગી ભાષા અભ્યાસને સુનિશ્ચિત કરે છે.
નિષ્ણાત માર્ગદર્શકો:પ્રમાણિત અને અનુભવી શિક્ષકો દ્વારા માર્ગદર્શન, જે પ્રારંભથી શીખનારાઓને અસરકારક તથા રસપ્રદ પદ્ધતિઓ દ્વારા ભાષા શિક્ષણ આપે છે.
નિયમિત અભ્યાસક્રમ અને પ્રેક્ટિસ ટેસ્ટ: નિયમિત મૂલ્યાંકન અને પ્રેક્ટિસ પરીક્ષાઓ દ્વારા વિદ્યાર્થીઓમાં આત્મવિશ્વાસનો વિકાસ થાય છે અને અંતિમ મૂલ્યાંકન માટે સંપૂર્ણ તૈયારી થાય છે.
વિશ્વવિદ્યાલય માન્ય પ્રમાણપત્ર: અભ્યાસક્રમ પૂર્ણ થયા બાદ વિશ્વવિદ્યાલય દ્વારા માન્ય પ્રમાણપત્ર પ્રાપ્ત થાય છે, જે શૈક્ષણિક પ્રોફાઇલમાં મૂલ્યવર્ધન કરે છે.
સપ્તાહાંત પ્રવચનો
| સ્તર – ૧ |
સમયગાળો: ૬૦ કલાક / ૪ મહિના |
|
કેન્દ્રિત વિષયો:
|
|
| સ્તર – ૨ |
સમયગાળો: ૬૦ કલાક / ૪ મહિના |
|
કેન્દ્રિત વિષયો:
|
We are happy to answer all your admission related enquiries. Fill out the form and we will be in touch with you shortly.
We acknowledge the receipt of your enquiry. Our team will get back to you shortly.
